Í maí síðastliðnum framkvæmdi HMS skoðun á ástandi eldunartækja, þ.e. bakarofna og gufugleypa til heimilisnota, í vefverslunum. Skoðað var hvort orkumerkimiði væri til staðar og hvort hlekkurinn „Vöruupplýsingablað“ væri til staðar með viðeigandi upplýsingum. Í skoðuninni voru 33 tæki skoðuð og í niðurstöðunum kemur fram að orkumerkingar og vöruupplýsingablöð er nokkuð ábótavant. Fram kom að 60,61% tækja reyndust hafa orkumerkingar og 60,61% tækja reyndust hafa hlekkinn „Vöruupplýsingablað“ með viðeigandi upplýsingum.
Það er á ábyrgð söluaðila að tryggja að orkumerkingin og vöruupplýsingablaðið séu:
- Nálægt verði vörunnar
- Í stærð sem er vel sýnileg og læsileg fyrir neytendur
- Aðgengileg neytendum áður en gengið er frá kaupum
- Aðgengileg hvenær sem er þegar vara er sýnd á vefnum
