Search
Close this search box.

EPREL gagnagrunnurinn

Frá og með 1. janúar 2019 var skylt að skrá allar orkumerktar vörur í nýjan gagnagrunn sem kallast EPREL (European Product Registry for Energy Labelling). Öllum aðildarríkjum EES er skylt að taka hann í notkun.

Framleiðendur og innflytjendur á orkutengdum vörum sem bera orkumerkingar bera ábyrgð á að setja upplýsingar um vörur í EPREL gagnagrunninn. Upplýsingar skulu skráðar áður en vörur eru settar á markað.

Nokkrar mikilvægar dagsetningar fyrir framleiðendur og innflytjendur

  • 1. ágúst 2017: Vörur sem voru settar á markað fyrir 1. ágúst 2017 má skrá í gagnagrunninn frá og með 1. janúar 2019. Þetta er hins vegar valfrjálst.
  • 1. janúar 2019: Allar nýjar vörur sem eru settar á markað eftir 1. janúar 2019 verða að vera skráðar í gagnagrunninn.
  • 1. janúar 2020: Upplýsingarnar í EPREL verða sýnilegar markaðseftirlitsstjórnvöldum.
  • 1. nóvember 2020: Skylda að skrá gildi vöruupplýsingablaða kælitækja, uppþvottavéla og þvottavéla í EPREL gagnagrunninn í samræmi við nýja orkumerkimiðann.
  • 1. mars 2021: Skylt er að skrá rafeindarskjái/sjónvörp og kælitæki í EPREL í samræmi við nýja orkumerkimiðann. Auk þess er skylt að skrá tæknigögn vegna kælitækja, uppþvottavéla og þvottavéla í EPREL.
  • 1. mars 2021: Opinberi hluti EPREL verður sýnilegur almenningi í gegnum QR-kóða fyrir þær vörur sem fá nýjan orkumerkimiða.
  • 1. maí 2021 – 1. september 2021: Skylt er að skrá ljósgjafa/lýsingu í EPREL í samræmi við nýja orkumerkimiðann.

     

    Gagnagrunnur, nokkrir kostir
    Með innleiðingu gagnagrunnsins, verður mun auðveldara fyrir neytendur að finna og bera saman orkutengdar vörur. Söluaðilar sem þurfa nýjar orkumerkingar eða ný vöruupplýsingarblöð geta sótt ný beint úr gagnagrunninum. Einnig verður markaðseftirlit gert auðveldara fyrir markaðseftirlitsstjórnvöld þar sem eftirlitið verður skilvirkara vegna betri yfirsýnar yfir vörur á markaði. Á þennan hátt stuðlar EPREL að sanngjarnari samkeppni milli birgja og að neytendur fái rétt merktar vörur og geti gert samanburð á vörum. Birgjar geta einnig séð hvenær markaðseftirlitsstjórnvöld sækja tækniskjöl.

Birgjar þurfa að hafa ESB auðkenni áður en hægt er að skrá vörur í gagnagrunninn.

EPREL leiðbeiningar útskýra lið fyrir lið hvernig eigi að fara í gegnum ferlið. EPREL getur einnig búið til alla nauðsynlegar orkumerkingar.

Hér er hægt að skrá vörur í EPREL gagnagrunninn

EPREL gagnagrunnurinn verður opinn neytendum þar sem þeim verður gert kleift að leita í honum af orkumerkingum og vöruupplýsingablöðum síðar á árinu.

 

Fyrir nánari aðstoð eða upplýsingar má hafa samband við: ENER-EPREL-HELPDESK@ec.europa.eu

 

Sjá nánar á heimasíðu Evrópusambandsins.

Lærðu meira um EPREL á að­eins 5 mín­út­um 

Deila:

Borgartúni 21, 105 Reykjavík.
Ártorgi 1, 550 Sauðárkróki.
Hafnarstræti 107, 600 Akureyri.
kt: 581219-1480

Afgreiðslutími:

Mán til fim frá kl. 9:00 – 16:00
Fös frá kl. 9:00 – 14:00

Um okkur